Ова го оцени индискиот министер за земјоделство, нагласувајќи дека земјоделците по цел свет засеаја поголеми површини за да ги искористат високите цени, а прогнозите за годинашната жетва се многу оптимистички.

Рекордните приноси на соја во Кина и во Индија, речиси двојно зголемениот род на пченицата во Австралија и зголемените жетви на ориз во Тајланд и Виетнам доведоа до ладење на прегреаните цени.

Цената на оризот од рекордната се намали за 29 насто, пченицата за 35, а пченката за 26 насто. Американскиот долар во однос на јули ја покачи својата вредност за седум насто, а цената на нафтата се спушти за 22 проценти, што го намали интересот за биогорива.

Цените на житата и покрај зголемувањето на приносите се очекува да останата на повисоко ниво од пред пет години.

. Сите права се задржани. Текстов не смее да се печати или емитува, во целина или во делови, без договор со makfax.