Кога на улиците на ова село три пати по ред ќе одекнат фанфари, сите луѓе ги отвораат прозорците и слушаат што има градоначалникот да каже.

Во селото има 950 жители, а инсталирани се 60 звучници од каде вестите можат да се слушнат во секое катче од местото.

Обично тоа се известувања за побегната мачка, најава за селска приредба, а има и молби за учество во заеднички акции.

Градоначалникот Герхард Сиринг – Лингенфелдер не размислува за укинување на ваквиот невообичаен информациски систем во добата на електронска пошта и СМС.

“Ова е многу попрактично“, вели Сиринг – Лингенфелдер.

Преку разгласот се емитуваат и честитки за роденден, проследени со соодветни песни. Порано се честитал скоро секој роденден, а денес тоа е само по нарачка. Причина за ваквата промена е во германските прописи за заштита на личните податоци, вели 49 годишниот градоначалник.