Француските микробиолози веруваат дека откриле нов вид вируси што овозможува “заразување на вирусите со вируси“.

Новооткриениот вирус, наречен “Спутник“, е многу мал и содржи само 20 гени.

Спутник е откриен во групата на порано откриениот вирус што шири зараза меѓу амебите.

Овој вирус се населува во друг вирус и влијае врз неговиот репродуктивен механизам. Заразените вируси создаваат изобличени структури, односно “заболуваат“.

По примерот на бактериофагите, вирусите што ги инфицираат бактериите, новиот тип вируси е наречен вирофази.

Стручњаците порачуваат дека не постои надеж оти новооткриениот вирус би можел да послужи за борба против вирусните заболувања кај луѓето. Тие претпоставуваат дека Спутник и неговите сродници се во состојба да напаѓаат само големи вируси, а вирусите што ги предизвикуваат опасните болести, по правило се мали.