Фаворитот Германија тргна многу исплашено на почетокот на полуфиналето против Турција. Тоа им се освети со неколку добри шанси кои агресивните Турци ги створија. За убаво отварање на натпреварот се погрижи Борал во 22-та минута, кога го изненади несигурниот Леман за водство од 0:1.

Не се чекаше долго на Германскиот одговор. Во 26-та минута по една школски изведена контра на Германците, Подолски се најде по левата страна и по прекрасното проигрување во шеснаесетникот, Швајнштајгер го израмни резултатот на 1:1.

Второто полувреме донесе поангажирана игра на Германците, меѓутоа повторно Турците беа тие кои конкретно шутираа кон противничкиот гол. Тоа не беше доволно бидејќи Клосе по одличниот центаршут и лошата проценка на голманот Рушту, во 79-та минута ја донесе Германија во водство од 2:1.

Кога се мислеше дека натпреварот ќе биде принесен кон крај без поголеми возбудувања, на сцена повторно стапи десеткуваната Турција, поточно Семих, кој успеа да ја спровре топката во мрежата на Леман во 86-та минута.

За Турција да не го повтори успехот од претходните натпревари се погрижи Филип Лам во 90-та минута, постигнувајќи го третиот и победоносен погодок за деветото финале на Германија на Европските Првенства.