Природните катастрофи, што и се закануваат на Земјата поттикнале голем број американски туристи да ги посетат глечерите на Аљаска, Патагонија, Арктик и Антарктик, островите на Пацификот што полека тонат, како и Големиот корален гребен во Австралија.

Уредникот на списанието Травел Ејџ Вест, Кен Шапиро, нагласува дека овој феномен е еден од најзначајните туристички трендови годинава.

“Го нареков туризам на Судниот ден и добив низа одговори од други туристички агенции. Многу како дестинација за одмор ги бираат местата загрозени со еколошките услови. Тоа го потврдуваат и многу други агенции“, додава Шапиро.

Критичарите, меѓутоа, предупредуваат дека трендот “да се види што побргу“ би можел да ја забрза и зголеми штетата.