Причината за тоа е недостигот на витаминот Д, што делува превентивно на развојот на ракот.

Луѓето најголемиот дел од витаминот Д го добиваат токму преку изложувањето на сончевата светлина. Иако најчести причини за развој на рак на белите дробови е пушењето (во 85 проценти од случаите), се чини дека одредено влијание има и изложеноста на сончевата светлина.

Авторот на истражувањето Кедрик Гарланд изјавил дека до рак доаѓа кога клетките почнуваат да се делат на неконтролиран начин, додавајќи дека витаминот Д го стимулира ослободувањето на хемикалии кои во комбинација со калциумот создаваат материја која ги лепи тие клетки и оневозможува натамошна делба.

Исто така, постојат докази и дека витаминот Д може да помогне во забавувањето на развојот на веќе појавениот рак. Но, ниту изложувањето на сонцето не е безопасно. Стручњаците предупредуваат дека токму сончевата светлина е причина за појава на рак на кожата.