Доктор Џими Китон, шеф на оваа студија и неговата екипа од универзитетот во Тексас, експериментирале со сувите сливи и со сок од сливи во различни видови месни производи – претходно варени свински колбаси, печено говедско и шунка.

Антиоксидантите ја забавуваат оксидацијата на масните киселини. Кога незаситените масни киселини оксидираат, предизвикуваат појава на непријатна миризба и вкус односно расипување на храната.

Вештачките материи, како БХА (бутилиран хидроксил анисол) и БХТ (бутилиран хидроксил толуен) се користат долго време како синтетички антиоксиданси во маснотиите, а за таа цел може да се користи и екстракт од рузмарин.

Доктор Китон тврди дека сувите сливи можат да го подобрат вкусот на некои видови колбаси и додава дека сувите сливи се додаваат во толку мали количества што немаат лаксативен ефект.